PUPUH GAMBUH

Pupuh Gambuh watekna ngangluh (mengeluh)
Ngagambarkeun kanyeri, kasusah, kasedih Palanggeranana 8 u, 8 u, 8 i, 7 a, 8 a/u, 8 a/0

Aya 5 padalisan dina sapadana

Rumpaka Pupuh Gambuh dihandap ieu dijudulan "kaduhung"

KADUHUNG  

Laras Pelog 

Kaduhung sagede gunung
Kuring sakola teu jucung
Lalawora resep ulin
Hanjakal tara ti heula
Ayeuna kari peurihna

PUPUH DURMA

Durma

Watek Pupuh ngagedurkeun sumanget. Ngagambarkeun nu gede harepan

Rumpaka pupuh dihandap dijudulan LEMAH CAI

Palanggeranana nyaeta, Guru wilangan/ Guru lagu: 12 a, 7 i, 6 a, 7 a, 8 i, 5 a, 7i
Aya 7 padalisan dina sapadana.  

LEMAH CAI
   laras Pelog

Nagri urang katelah Indonesia
Di riksa tur di jaring
Sumirat komarana
Berkahna Pancasila
Ageman eusining nagri
Yu sauyunan
Ngawangun lemah cai

PUPUH BALAKBAK

BALAKBAK

Ngagambarkeun heureuy atanapi banyol tapi bari sopan 

DAYEUH BANDUNG 

Pupuh Balakbak
Dayeuh Bandung kiwari teuing ku rame, araheng
Gedong-gedong pajangkung- jangkung wangunna, alagreng
Tutumakan-tutumpakan balawiri lalar-liwat, garandeng 

PALANGGERAN : Guru wilangan/ Guru lagu:
12+3 e, 12+3 e, 12+3e
Padalisan: 3

PUPUH SEKAR ALIT

Pupuh teh sadayana aya 17, dibagi janten dua bagian nyaeta;

1.Pupuh Sekar Ageung

2.Pupuh Sekar Alit

1. Pupuh Sekar Ageung anu jumlahna 4, sering disingket KSAD

    a. Kinanti

    b. Sinom

    c. Asmarandana

    d. Dangdanggula

(Salengkepna arantos dibahas dina seratan sateuacana) 

2. Pupuh Sekar Alit

    a. Balakbak,Lawak ngagambarkeun heureuy atawa banyol.

    b. Durma, Ngagedur ngagambarkeun rasa ambek, gedé haté, atawa sumanget

    c. Gambuh, Ngangluh, ngagambarkeun kasedih, kasusah, atawa kanyeri

    d. Gurisa, ngagambarkeun jelema nu ngalamun atawa malaweung.

    e. Juru demung, Bingung ngagambarkeun nususah ku pilakueun

    f. Lambang, Senang ngagambarkeun nu resep banyol tapi banyol nu aya pikiraneunana.

    g. Magatru, ngagambarkeun nu sedih, handeueul ku kalakuan sorangan, mapatahan

    h. Maskumambang, ngagambarkeun kanalangsaan, sedih bari ngenes haté.

    i. mijil ngagambarkeun kasedih tapi bari gedé harepan.

    j. Pangkur perang, ngagambarkeun rasa ambek nu kapegung, nyanghareupan tugas nu beurat. 

    k. pucung, jucung, eusina ngagambarkeun pangajaran . 

    l. Wirangrong, ngagambarkeun nu kawiwirangan, éra ku polah sorangan. 

    m. Ladrang, ngagambarkeun nu resep banyol bari nyindiran.

DANGDANGGULA

Pupuh Dangdangdula Kaagungan, kaendahan ciptaan nu Maha Kawasa tegesna Alloh SWT.

Aya 10 padalisan (baris) dina sapadana (sabait).

Palanggeran tina tiap-tiap barisna nyaeta :

10i, 9a, 8e, 7u, 8i, 6a, 6u, 8a, 12i, 8a.

He Barudak poma sing areling

Sing nyaah ka indung ka bapa

Maraneh teh matak hese

Komo nu jadi indung

Kahesean kaliwat saking

Ti keur di kandungan

Matak hese wungkul

Mun dengdek kukulinciran

Waktu maneh gubrak gumelar ka lahir

Indung teh boa ajal

......Hanca kana Pupuh Sekar Alit

ASMARANDANA

PUPUH SEKAR AGEUNG NU KA-3 NYAETA ASMARANDANA

 

Asmarandana Watekna Rasa asmara, cinta, asih jeung kanyaah, ngarupakeun tembang pupuh nu ngagambarkeun rasa sikep kahirupan di Buana panca tengah atawa Bumi alam. 

Jumlah padalisanana aya 7 dina sapada

Guru wilangan jeung guru laguna nyaéta: 

81, 8a, 8o/e, 8i/a, 7i/a, 8u, 8a

kieu rumpakana:

 Eling-eling mangka eling

Rumingkang di bumi alam

Darma wawayangan bae

raga taya pangawasa

Lamun kasasar lampah

Nafsu nu matak kaduhung

Badan anu katempuhan

..........hanca kana DANGDANGGULA

KSAD PUPUH SINOM

.....Sambungan tina hanca KSAD PUPUH SEKAR AGEUNG

SINOM

Pupuh sinom ngagambarkeun kasenangan, gumbira jeung kadeudeuh.

Jumlah padalisan (baris pupuh) aya 9 dina sapadana (sabait)

palanggeranana nyaeta : 8a, 8i, 8a, 8i,7i, 8u, 7a, 8i, 12a

Harta pada nareangan

Harti pada nyararungsi

Sabab duanana guna

Harti bisa mere bukti

Harta pon kitu deui

Bisa ngabul nu dimaksud

Nedunan sakahayang

Tapi harta gampang leungit

Munggu harti mangpaat dunya akherat

.....ngahanca kana ASMARANDANA