Tuesday, November 25, 2014

DONGENG : Sireum jeung Japati

           
            Aya sireum rek nginum disisi walungan. Keur ngarayap kahandap, manehna tisoledat. Pluk ragrag kana cai. Hadena caina rada ngeuyeumbeu lebah dinya mah. Tapi keukeuh bae ari ngojay kasisi mah teu bisaeun. Sireum gegeroan, ” tulung, tulung, ieu kuring rek tikerelep tulungan ”
            Kabeneran aya japati keur cindeten dina dahan kai anu nyodor kaluhureun cai.
Kadengeun aya sireum gegeroan menta tulung. Barang ngareret kahandap, katenjoeun sireum keur kokosehan. Japati karunyaeun, geleber hibeur bari ngegel daun salambar. Song diasongkeun daun teh kahareupeun sireum. Sireum tuluy muntang kana daun. Daun kujapati dibawa ka darat. Sok digolerkeun kana taneuh.Sireum pohara nganuhunkeunana ka japati anu geus ngaleupaskeun manehanana dina bahaya.
            Dina hiji mangsa japati teh cindeten deui dina dahan kai anu nyodor ka walungan tea. Sireum anu baheula ditulungan ku manehna oge kabeneran aya dihandapeun tangkal. Harita tikajauhan aya paninggaran nyampeurkeun leumpangna keketeyepan
Teu talangke deui buru-buru sireum nyampeurkeun japati bari ngaharewos ka manehna.
”heh japati, buru-buru geura hibeur, tuh aya paninggaran keur ngintip.”
Panigaran geus ngawengkang bedilna. Tapi japati kaburu geleber hibeur.
            Isukna japati papanggih deui jeung sireum. Ceuk japati ” Nuhun pisan sakadang sireum, kuring geus ditulungan ku anjeun, leupas tina balai.”
Jawab sireum ” is eta mah kapanan kawajiban sarerea, nulungan batur anu rek meunang cilaka, eta wajib. Komo ieu mah kuring ayeuna hirup keneh teh lantaran geus ditulungan ku sampean.”
            Tah kitu cenah lalakon sireum jeung japati anu akur jeung silih tulungan.
Abdi gaduh sisindiran yeuh.... kieu geura ...!!

Itu lain langlayangan
Manuk heulang puputeran
Hirup teh henteu sorangan
Kudu daek silih tulung

Dongeng simkuring dicekapkeun dugi ka dieu mugi aya pulanganeunana. Datang katingal tarang undur katingal punduk, simkuring seja permios, cag...







7 comments:

  1. Gan pajamanan dongeng dari itu dongeng apa ya gan? Buat tugas nihhh

    ReplyDelete
    Replies
    1. maaf kang agus, saya lama sekali tidak menengok blog saya ini.
      terus terang saya kurang paham pertanyaan akang. bila arti kata "pajamanan dongeng" maksud akang. adalah setting waktu yg diciptakan atau di visualkan dalam cerita tersebut. silahkan WA ke 085721461515 bila ingin diskusi dan menyambung silaturahmi lebih lanjut.
      maaf dan hatur nuhun.

      Delete
    2. kalau pajamanan dongeng "sireum jeung japati" diatas. berlaku setiap saat. dari dulu sampai sekarang "alam imaginasi binatang" dalam fabel sama setiap jaman.

      Delete
  2. Abdi reusep dongeng na Kang. Nuhunkeun sumberna ti mana?, dicutat tina buku naon?, kaca sabaraha?. Peryogi kangge murangkalih SD lomba ngadongeng. Hatur nuhun sateuacana.
    diantosnya Kang!

    ReplyDelete
    Replies
    1. nuhun kana apresiasina kang abay. abdi oge terus terang hilap deui sumberna. nanging ngawitan mah abdi ge nguping ti dongengna pun guru di sakola kapungkur.

      Delete
    2. nuhun kana apresiasina kang abay. abdi oge terus terang hilap deui sumberna. nanging ngawitan mah abdi ge nguping ti dongengna pun guru di sakola kapungkur.

      Delete

KARENA MODAL RENCANA MENIKAH GAGAL??

Dalam tulisan saya sebelumnya d i    https://kabisaseni.blogspot.com/2020/01/good-bye-lajang-aku-mau-nikah-sekarang.html sudah kita ketah...