Di saung
kuring
Di Tepis wiring
Di sisi pasir nu lungkawing
Dina rasa bet longkewang
Sonten nu
santen
Disimbutan
ku halimun
Diusapan
angin ngadalindingding
Nembang
dipirig korosak dangdaunan
Ditoong
kusrangenge nu keur era
Nyumput
dina mega kulawu
Mega nu
kulawu teu lila caah cisoca
Murubut
masehan bumi
Saung
kuring dimandian ku girimis kasorenakeun
Bangkong
titadi anteng dibalong
Ear surak
eak-eakan
Sora turaes
adumanis jeung gaang mangprang
Jerit Jangkrik
bet ngageri ati
Na iraha
bagja,…?
Bet lana
teu datang-datang.
Ieu kuring
nu hariwang beuki honcewang
Gusti ampun
nya paralun
Simkuring gede
rasa rumasa ku seueur dosa
Nanging apanan
Anjeun mah Maha Lautan hampura.
Ampun Gusti
Ampun…!!
