SONO DUKA KASAHA

Peuting ieu jangkrik ngabangingik
marengan hate nu ceurik
aya kasono nu teu puguh juntrungna
kasaha boa kudu nyimpaykeunana

Bray muka jandela kamar
aya kiceup bentang nu samar
angin peuting ngaharewos
sorana haroshos
sono kasaha? manehna naros...

Lamun ka bulan...
kapanan itu keur marengan
cahya purnama meni gamuleng
pami ka bentang...
sok tunjuk mana nu dipikahayang
sadaya pada baranang.

Hiliwir angin terus ngusapan
ka kuring seja ngupahan
langit lenglang taya tedeng aling-aling
tapi kuring tetep balueng keueung

Mega malang dina dada
kudu kasaha nya nunda rasa?
ah duka ....

HURIP WARAS KISUNDA jAYA

Aya selenting bawaning angin

ngolebat bawaning kilat

ngahiliwir matak gimir 

ngahaleuang mawa kahariwang longkewang

cenah ceuk beja 

KISUNDA BAKAL ILANG. 

 

Na saha nuwani ngagunasika...? 

IEU KURING TERAH SUNDA, 

siap bitotama jaga raksa. 

Sangkan KISUNDA TETEP JAYA.

Ngawur bibit ka murangkalih, 

nguatan akar ka para nonoman sunda. 

tetep teneung teu keueung, 

tetep jembar hamo rek ngolembar. 

najan diri nepi kapati, 

ngawaris harti ku ati nu suci. 

"HURIP WARAS KISUNDA JAYA DI BUANA"...