PUPUH LAMBANG

Watek Pupuh Lambang ; Ngagambarkeun nu resep banyol tapi banyol nu aya pikiraneunana 

pupuh lambang dihandap dijudulan Wawang salan

Guru Wilangan/ Guru Lagu 8a, 8a, 8a, 8a. Aya 4 padalisan

WAWANGSALAN
 

Dialajar wawangsalan,
saperti tatarucingan,
Cik naon atuh maksudna, 

teangan naon wangsalna

 gedong ngambang di sagara,

 Ulah kapalang diajar,
keuyeup gede di lautan,
kapitineung salawasna 

catetan : 

Dina pada (bait) anu kadua aya kalimah "ulah kapalang nya bela" kapal-ang harti nu dimaksud  nyaeta kapal laut, jadi gedong nu ngambang ditengah laut teh nyaeta kapal laut. 

Sedengkeun "keuyeup gede di lautan" maksudna kapiting, disumputkeun dina kecap "kapitineung, (kapiting) beurang peuting.

PUPUH JURU DEMUNG

Jurudemung 

mangrupakeun tembang pupuh nu ngagambarkeun nu bingung, susah ku pilakueun.

Kaduhung aya di tungtung, mangka kudu usaha ti ayeuna

Mungguh nu hirup di dunya

Ku kersaning anu agung

(Ku kersaning anu agung)

Geus pinasti panggih

(Geus pinasti)

(Geus pinasti panggih)

Jeung dua rupa perkara

Senang paselang jeung bingung

Mungguh hirup di alam dunya

Ku kersaning anu agung

Geus pinasti bakal panggih

Suka bungah jeung kasedih

Dua rupa nu tumiba

Sakabeh jalma di dunya

Senang patumbu jeung bingung

Eta geus tangtu kasorang

 

Watek Pupuh JURU DEMUNG Ngagambarkeun bingung ku kalakuan sorangan

Salajengna nyanggakeun pupuh Juru Demung nu di judulan "ADIGUNG".

ADIGUNG
Laras Pelog 

Pupuh Juru Demung
Lolobana mungguh jalma
Embung hina hayang agung
(Embung hina hayang agung)
Hayang hirup mukti
(Hayang hirup)
(Hayang hirup mukti)
Tapina embung tarekah
Tinangtu mo bakal nanjung 

Guru wilangan/ Guru lagu: 8 a, 8 u, 6 i, 8 a, 8u. Padalisanana aya 5

PUPUH GURISA

 

Watekna ngagambarkeun jelema nu ngalamun atawa malaweung 

Sifat dari pupuh ini menggambarkan orang yang sedang melamun

Guru wilangan/ Guru lagu:
8 a, 8 a, 8 a, 8 a, 8 a, 8 a, 8 a, 8a) 

Aya 8 padalisan 

Hayang teuing geura beurang

Geus beurang rek ka Sumedang

Nagih ka nu boga hutang

Mun meunang rek meuli soang

Tapi najan henteu meunang

Mo rek buru-buru mulang

Rek terus guguru nembang

Jeung diajar nabeuh gambang