WILUJENG WENGI KANG

wilujeng wengi kang ...

ieu cipanon kuring ngeyembeung deui

mangsa ngagentraan jenengan engkang.

bet nyoreang alam katukang.

mangsa urang paduduaan

bongan pangersa engkang nu mikaheman

usum pundung

kapanan engkang nu ngabebenjokeun

datang kahariwang

engkang mah rajeun maturan

butuh batur pakumaha

engkang datang mere luang

engkang ...

kiwari bukti

kaharti pangarti nu katampi

karasa jeung kaalaman

tapi hanjakal

taya panutan sagedengeun

teu kabendung,

cai asih dina kongkolak mata

ngalembereh maseuhan dada nu dewang

nyerep nitis, tiis kana ati.

biasana,,

kana dada, kuring nyangsaya

kana bahu geusan balabuh

panangan anjeun na rangkulan

mun sono, ukur cimata nu jadi ubarna.

bongan urang pajauh raga

nakumaha cara nganuhunkeun

engkang bet tega ngantunkeun

kari kuring nu salawasnaa mieling.

Sono sakalintang

dedikasi kanggo pangersa akang > Iwan Tiswan